周未終於來到

隨意寫下感想⋯⋯

每逢星期五，又或者有特別假日來臨時大家可能會特別開心，

因為各自都會預先計劃約邊個朋友，去邊到玩，做乜好等等。

但對於我在杜拜和當空姐時，我對呢啲日子豪冇特別感覺。

首先，番工係shift schedule, 再加上你飛到一個地方，就係另一個時間，另一個日子。

飛下飛下，開始唔知道今日星期幾，幾多號；

望住個天，都可能唔知係白天定夜晚。

（試過去12月的英國Edinburgh, 下午三點幾鐘開始天黑；

或者又去過7月的Moscow晚上9點鐘個太陽仲未落山)

放假? 我feel唔到。如果當日我返工，我個office就係機艙。

聖誕節唔會有聖誕樹，冇聖誕老人，冇聖誕禮物，冇裝飾，冇氣氛。

新年唔會有人俾利是，唔會有年花揮春炮仗；

情人節唔有好多心心❤️放係天花板等等。

如果當日day off 在杜拜，我都唔會feel到，

因為杜拜跟隨Muslim culture, 星期五六係周末。

最多商場人流比平日較多。

所以中國,西方或其他國家既特別日子佢都唔會跟唔會攪唔會有。

不過商場會係咁依整啲theme出黎，吸引人流嗎，但係唔搶眼囉。

Anyways, 而家我過番正常作息時間，正常日子，

星期五晚特別夜訓，星期六日約朋友出街。

開始過番正常生活時間，覺得是一件幸福的事。