今次我去既地方係Punta Cana, Dominican Republic參觀酒店.
到達機場時令我覺得好似去左東南亞地方。
過關出境。。。唔係好嚴，我影相都冇人阻。
不過出境之後要小心，好多當地人搵生意賣團賣shuttle.
如果你買package, 先check 下係咪已經包左shuttle去酒店，
如果要坐的士一程去比較遠既Hard Rock Punta Cana大概＄40美金。
第1站先去牌子酒店Hard Rock Punta Cana,
入面既大堂, 入到去就feel到好大間, 共有1784間, 我唸除左聖誕, 平時應該唔會人山人海.
Lobby 後面既景
呢間酒店其中一個賣點係賭場, 去過其他間既酒店列名有賭場既, 都唔及呢間大.
賭場入面有個CLUB, 夜晚一定好滿. 時不時佢地會請啲知名DJ黎玩.
去得呢啲高級酒店, 一定有Salon 同 Spa, 但有一樣野唔係間間都有既, 係Doctor Fish, 或者叫 Fish Pedicure. 我曾經係泰國試過, 當你放隻腳落去啲魚就圍攻吻你. 同呢到唔同既係呢到啲魚特別大!
鍾意打Golf既, 呢間就岩曬, 球場就係酒店範圍內.
呢間酒店有13間泳池, 假日唔會迫爆. 每日試兩個, 唔鐘意呢個泳池, 仲有其他12間俾你揀.
酒店當然唔少得酒店房.
入到房我最鐘意check洗手間. 大大個鏡, 正!
先入第一間...呢間只係一間普通 Islander junior Suite, 間房大之餘仲有一個Jacuzzi, wow!~
另一間房用側面同正面睇呢間Diamond Suite. Jacuzzi對正露台雖然冇無敵海景, 但起碼唔洗對住四面牆.
露台見到只係一個公園, 海景就係我後面好遠好遠...
P.S.
~如果冇機會住呢間酒店， 但又想過黎參觀，佢地有賣Day Pass：大人＄100us，小童（17以下）＄40us
~除左Casino, 所有室內都係不能吸煙. 酒店房如是, 但露台可吸煙.
~係呢間酒店我覺得佢品味較高尚, 設施豪華, 服務一流.
但個人喜歡去一啲自然小小既酒店,
太高尚feel唔到當地風土味.
No comments:
Post a Comment